 |
 |
 |
|
|
|
|
 |
 |
 |
 |
 |
 |
03-05-2010, 06:29 PM
|
||||
|
||||
حكي الناس !!
حكي الناااس .. اشي بيزهق صح ؟؟؟ بكون عند صاحبتي ، ولما برجع بتوقفني وحدي من الحاره محكتش معي من خمس سنين وبتسالني وين كاينه، بس علشان تلاقي قصه تحكيها !! لما بروح للصالون ،وبتقضيها الكوفيرا وزباينها يحكو عن فلان وعلان .. اشي من الشرق واشي من الغرب !! لما بتصير حكاية بنت على كل لسان لانها ماشيه مع شب وبالاخر بيطلع اخوها !! لما بتحكي لبنت جيرانك مرحبا ،فبيعتبروك بتحبها وبدك اياها !! لما برجع من المدرسة متأخرةوبطرح السلام على فلانه وما بترد ، طبعا بينها وبين حالها بتقول "الله اعلم وين كاينه" !! لما بتروح صبيه للدكانه ويعتبرها الناس انها رايحة لهناك بس لانها معجبة بالبيااع!! ووووو .... على كل شي الناس بتحكي .. وعلى الكل كمان .. اكيد صارت معك وحكا عنك الناس .. متقلش لا .. لانو بيكونو حاكيين عنك بدون ليصلك خبر .. ايش بيستفيدو ؟؟ وليش ؟؟ بيخافوش انو ييجيهن الدور؟؟ طيب بدل ليحكو عن العالم ..يحكو بموضوع اهم .. ميكنش تفكيرهن مغلق !! والاشي الي بيقهر اكتر .. انواغلب الناس بيفكرو بنفس الاتجاه ، وطبيعي الاتجاه هاد كلو حقد وحسد !! طيب انت يلي بتحكي عن الناس بالعاطل ومن وراه.. بتخفش من الي فوقك ؟!! صارت معي متل ما صارت معك !! حكا الناس الي بدهن اياه واكترمن مرة وبالاخر صار انفجار !! لما بتوقف بوجي الناس وبتحكيلهن "بكفي لهون وبس" هيك ما بيعودو يحكو عنك ابدا !! ههههههه حتى بيصيرو يحمدو فيك ..قال يعني !!! شو رايك بالموضوع؟؟؟ فكرك في طرق تانية لحتى نوقف حكي الناس؟؟؟ كيف اتصرفت لما صار معك الاشي؟؟ خلينا انناقش هالاشي .. ((امينة))
__________________
`·. الــلـهُـم أَعْطِـهِمْ ما يَتـمـَنـون لي .·´
آخر تعديل بواسطة أمــيــنــة ، 03-05-2010 الساعة 06:32 PM 
|
|
03-05-2010, 06:57 PM
|
||||
|
||||
|
جـــد موضوع كتـــير مهــم والحكي في منــه وتجاوز الحد..!!
أول شغــله يسلموو على طرح الموضوع المهــم.. برأيي حكي الناس ما بيقــدم ولا بيأخر .. الناس بتحكي عن الحلو والمر .. عن المنيح والعاطل.. عن الكبيــر والصغيــر.. عالإشيا التافهـــه والمهــمه... يعني الواحد مش لازم يهـــتم لحكي الناس إللي مش رح يخلــص ولا منــه رح يكون في فايـــده.. يعمل الإشي الصـــح محدا بقدر يحكي عليــه حرف..!! في قصـــه بعرفها لجـــحا رح تفســر وتختــم كلشي جواتي.. مشى جحا وابنه مع حمارهما فـ انتقدهم النّاس لإنهم لم يستغلوا وسيله النقل الحمــار .. فـركب جحا وابنه على الحمار فـ انتقدوهم النّاس بعديمي الرحمه كيف يركب 2 على حمـار .. نزل جحا وترك ولده فـ انتقدو الناس الابن .. وقـالوا إنه ولد عــاق .. نزل الابن وركب جحا فقـالوا عن جحــا انه لايرحم وأنه قـاسي على ابنه .. قـام جحـا وابنه وحملـوا الحمـار وهم يمشون .. فضحك النــاس عليهم لبلاهتهــم .. يعني بإختصاّر.. شو ما عملنـــا الناس بدها تحكي.. و... إذا رضـا النـاس .. غاية لاتدرك .. !!
__________________
لستُ كمآ يقولون .!. بل هنـاك من يحبـني .. يرسمنـي بأجمـل الصـور.. وهنـآك من يكرهـني .. يرسمنـي بأبشـع الصـور.. فلكـلٍ منـهم فرشـآة للـرسـم ويرسمـني على مزآجــه.. ولـكـن أنآ ..!! آبـقـى أنا .. * חסוייה *
|
|
03-06-2010, 09:21 AM
|
|||
|
|||
|
اول اشي موضوعك حلو واجا بمحلو شكرا
راي انا:متل ما قالت حسوياه كلام الناس لا بقدم ولا بأخر لو صار معي اشي من هالنوع انا بوقف بوجه الي حكا عني ويمكن اضربو لانه هاي العادة بكرها كثير اذا طبعا ما يجي بالمليح وهيك بتعلم يحكي عن الناس من ورا ظهورهم وطبعا لو الناس بتعرف بالدين مليح كان عرفو انه النبي صلى الله عليه وسلم قال: ان الله كره لكم ثلاث قيل وقال، وكثرة السؤال، وإضاعة المال انا هيك بني ادم صحيح يعني الانسان لما يكون بين اصحابو بتعرفي هاد بقول هيك والتاني بقول فلان عمل وفلان قام وفلان قعد( انا بكون ردي الو شوفت فلان بعمل هيك بعنيك) بقولي لا بس اسمعة هيك والناس بحكو (انا بقوله اشي مشفتوش ومش متأكد منه ما تحكي عنه). وهاد هي الاستغابة وحديث يقول عن النبي صلى الله عليه وسلم :لو زنا رجل بذي محرم داخل البيت الحرام 70 مره لكان اهون على الله من استغابة احدكم لاخاه المسلم. واخر اشي بختم بمثل حلو اعجبني : يموت الفتى مـن عثـرة بلسانـه *** وليس يموت المرء من عثرة الرجل الغيبة تاكل الحسنات وتفسد الاخلاق باي
__________________
|
|
03-06-2010, 05:03 PM
|
||||
|
||||
|
اقتباس:
صحيح كلام الناس لا بيقدم ولا يأخر ..بس بالنسبة للشخص نفسوو .. مش للناس!!
واكيد , بديش اقول كل الناس راح اقول الاغلبية ، بيصدقو الي بيحكي الناس ومش ممكن يصدقو الشخص الي طلع عنو الحكي لانو بالنسبة الهن هوي بيكذب علشان يغطي على حالو !!! انت حكيتي انو الواحد يعمل الاشي الصح وما حدا راح يحكي عليه حرف.. بس الا ما يطلعو اشي يحكووو عن الواااحد !! انا اتعرضت لحكي الناس واكتر من مرة .. بس هادا مش معناه اني كنت اعمل غلط .. الناس عيونها فارغه .. بيشوفو الي بدهن اياه وبس .. وانا معك 100% بشغلة انو الواحد مش لازم يهتم لانو فعلا حكي الناس ما بيخلص .. واكبر دليل هوي قصة جحاا .. شكرا الك حسووويا .. رد حلو ..اعجبني ..
__________________
`·. الــلـهُـم أَعْطِـهِمْ ما يَتـمـَنـون لي .·´
|
|
03-06-2010, 06:02 PM
|
||||
|
||||
|
اقتباس:
شكرا على الاضاافات وعلى احاديث الرسول (صلى الله عليه وسلم) .. واكيد على التعليق ..
طبعا الناس مش راح بتوقف الا اذا وقفت بوجهها بس الضرب مش دايما حل لانو بينفعش للكل يعني وحدي بجيل ستي لا بينفع ارد عليها واكيد مش راح اضربها ... يمكن صار لازم يطلعو دوا لهاد الاشي لانو كأنو مرض !! تصرف حلو منك انك تسال اذا كان شاف الاشي .. لو الكل بيعمل هيك كان وضعنا احسن .. شكرا مرة تانية عالتعليق ادهم ومرورك منور ..
__________________
`·. الــلـهُـم أَعْطِـهِمْ ما يَتـمـَنـون لي .·´
|
|
03-11-2010, 05:26 PM
|
||||
|
||||
|
شو رايك بالموضوع؟؟؟
ج:طبعا موضوع مؤلم امينة الله يرضى عليكِ,وحذرنا الرسول صلى الله عليه وسلم من النميمة كتير. فكرك في طرق تانية لحتى نوقف حكي الناس؟؟؟ ج:للاسف المشكلة في نقص الدين,للعلم مش بس تلاكم امينة ,صدقيني بكل مكان نفس الاشي. كيف اتصرفت لما صار معك الاشي؟؟ ج:ما صار معي هيك اشي لان كلامي محدود بجد مع الناس وبفضل الصمت بحياتي احسن بكتير من الحكي,احسن صدقيني. يسلموا الك يا طيبة على الموضوع.
|
|
03-12-2010, 02:44 PM
|
||||
|
||||
|
اقتباس:
هلا هلا والله غزلاوي .. على فكرة انا زعلانه
 انا متاكدة انو مش بس عنا بس دايما القرى بكون فيها اكتر لانو كل الناس بتعرف بعض .. احسنلك والله كل ما خففت حكي مع الناس كل ما هدي بالك اكتر .. مشكووور عالمروور وعالمشااركة
__________________
`·. الــلـهُـم أَعْطِـهِمْ ما يَتـمـَنـون لي .·´
|
|
04-05-2010, 08:24 PM
|
||||
|
||||
|
ايش هالافكار والمواضيع الخطيرةةةةة يا امووونا ..؟!
بالنسبة لرأيي بالقضية .. مممم كمان بحكيلك كلام الناس لا بقدم ولا يأخر .. كلام الناس ملامة وغيرة مش أكتر !! كمان في مقولة لذيذة بتقول : يلي بوكل العصي مش زي يلي بعدهن !! كثير صعب الواحد يلاقي الناس بتحكي عنه طالع نازل ويسكت !! مش بس هيك ان دافعنا عن حالنا رح يحكوا لو انه مش كذا وكذا وكذا كان ما عصبت ودافعت عن حالها ،، وان سكتنا رح يحكوا هالسكوت دليل كافي ووافي على انه الحكي مزبووط !! مثل ما قالت حسويا انو مش رح نخلص ،، ويا قرعة احترنا من وين بدنا نمشطك ...! بس يا هل ترى ليش الناس حكت عني 1 و2 و3 ،، خلينا شي مرة نتواضع ونتنازل ونعيش الدور عن جد ونكتشف ليش هني (( العالم )) شايفينا غلط !! لازم نحنا كبني آدمين عاقلين راشدين نفهم مجتمعنا نحنا ملزمين عن جد نفكر بعقلهم ولو شي شوي ،، انو انا من هون لازم ابلش اخطط مسار حياتي ،، انا رح احترم ديني وعاداتي وتقاليدي والمجتمع يلي انا فرد منه !! رح تحكوا انو غلط نربط حياتنا بالناس ،، من رايي العكس صحيح اذا بتعمل حساب الناس شو رح يحكوا اذا عملت هيك او لبست هيك ،، رح (( تنمغص )) بالاول بس بالاخير رح تكون راضي وتحمد ربك !! عن تجربة ويمكن تكون لسا تجربتي بالحياة نقطة ببحر ،، بس هالطريقة بتحفزني دايما اني اعمل الاشي الاصح (( مش الصح )) ..! والناس من كل الفئات (( متعلم او لآ )) ان حكوا في من ورا كلامهم غاية وسبب ،، وبرايي مش مهم ان كانت الغاية ايجابية او سلبية ،، المهم انو نتأمل ونتعلم ونطووور !! اخ ادهم كثير حلوو كيف دعمت رايك بالدين !! وبعد جهد جهيد خلصت (( لعلعه )) وصار لازم اشكر امونتنا الحلوةةة الخطيرة ،، وبدي احكيلك انه هالسوسة لآ بـ فلت ولآ بـ k300 رح ينقضى عليها .. الا اذا كل واحد حط لسانه جوا ثمه وان شاف غلط من اي انسان يروح ينبهه مش يحكي ويتحكى فيه (( ويرش انواع البهارات العجيبة )) ،، هاذ الحل الوحيد (( المستحيل )) !!
__________________
ربيـ لآإ تذرني فرداً وأنتَ خ‘ـير الوآرثين ~
|
|
04-06-2010, 01:42 AM
|
||||
|
||||
|
اقتباس:
يا هلا بضيفة  والله خيتا كل حكيك جوااهر ومش عارفه من وين ابلش اعلقلك بالزبط  بالنسبه لحكيك انو نغير حالنا كرمال الناس ما يحكو عنا ,, صدقيني في كتير جربو صحيح انا مش منهن بس كل الي بعرفو انهن اتغلبوا اكتر بعد لغيرو حالهن .. بعرف وحده الناس ما تركوها من شرهن .. كانوا الناس ايضلو يحكو عنها كيف بتلبس وبتطلع وبتنزل بس اكتر اشي كان منتقد هوي لبسها ، المهم قبل سنه ونص لبست جلباب عارفه شو كان تعليق الناس وقتها ؟؟ وقتها الناس صارو يحكو انها لبست جلباب علشان تخبي وزنها واشي يقول لبستو لانو ابوها جبرها والي يقول حبيبها جبرها وطبعا غير الي قالو انها لبستو علشان تخبي عمايلها !!!!!!!!! التغيير مش دايما حل .. يعني هي اتغيرت بس زاد حكي الناس عنها واسا هياها تركت الجلباب والتعاليق طبعا زادت !! يعني اجت تتكحلها عمتها ! "كثير صعب الواحد يلاقي الناس بتحكي عنه طالع نازل ويسكت !! مش بس هيك ان دافعنا عن حالنا رح يحكوا لو انه مش كذا وكذا وكذا كان ما عصبت ودافعت عن حالها ،، وان سكتنا رح يحكوا هالسكوت دليل كافي ووافي على انه الحكي مزبووط !! " هيي هااااي .. هاي الجمله ببصملك عليها بالعشره .. واللهِ هادا الي بصير .. عنجد شغله بتقهر  عالعموم متل ما حكيتي ما بتنحل هالمشكله الا اذا الواحد لما يشوف الغلط يصححو عالساكت بس بدك مين يرد ! ضيفه مشكووووورة حبيبتي عالمرور الي متل العسل .. دايما ردك مميز وبيكفي الامثال الي بتحكييها .. توووحفه  نورتي حبووبة وردك بيجنن
__________________
`·. الــلـهُـم أَعْطِـهِمْ ما يَتـمـَنـون لي .·´
|
 |
| أدوات الموضوع | |
| انواع عرض الموضوع | |
|
|
العرض العادي
